Përderisa në territoret tona po mbretëron mot pothuajse veror, me netë të ftohta dhe ditë mjaft të ngrohta tipike për një anticiklon vjeshtor, një front i fuqishëm i ftohtë ajror po depërton në drejtim të lindjes së Evropes. Fronti do të pëmbajë edhe temperatura polare që do të përfshijnë Skandinavinë, Rusinë, madje edhe pjesë të Evropes lindore si Ukrainën dhe deri në Rumani. Fronti do të ikë drejt Turqisë. Temperaturat e ulëta nuk do të jenë ekstreme por mjaftueshëm për të sjellur reshje të dendura bore në shumë pjesë të Skandinavisë dhe Rusisë, ndërsa i ftohti në lindje të Evropes do të jetë kryesisht i thatë dhe afatshkurtër apo kalimtar.
Fronti do të hetohet edhe në viset tona sonte dhe nesër me ulje të lehta të temperaturave dhe reshje kalimtare vetëm në disa rajone, por ky front nuk do të jetë energjik në territoret tona sikur në lindje të Evropës.
Do të jetë kjo vetëm një hyrje në sezonen dimërore në lindje dhe verilindje të Evropes, por për momentin nuk ka ndonjë kërcënim dimëror për pjesët tjera të Kontinentit apo aq më pak për territoret tona. Anticikloni afrikan do të forcohet shumë më shumë pas këtij fronti kalimtar duke na siguruar edhe shumë ditë stabile dhe të ngrohta vjeshtore./METEOBALLKAN
