Shtetet e Bashkuara të Amerikës janë duke u përballur me temperatura ekstremisht të ulëta për shkak të depërtimit masiv të ajrit të ftohtë polar në gati tërë territorin e Kontinentit amerikan dhe normalisht në Kanada.
Rrethi polar që është një ciklon i përhershëm në Polin Verior ku mbeten të të bllokuara temperaturat ekstreme të ulëta, por rrymimet ajrore të larta kanë favorizuar një depërtim masiv të këtyre temperaturave të ulëta drejt territorin Kanadez dhe Amerikan.
Madje temperaturat e ulëta kësaj radhe kanë arritur deri në ekstremin jugor të Amerikës duke kaluar edhe në territorin meksikan. Bregdeti i Gjirit të Meksikes priten të krtë disa cm. borë, majde borë pritet të zbardhë Hustonin e Teksasit, pastaj New Orleansin dhe veriun e Floridës, duke dhuruar pamje jashtëzakonisht të rralla sepse temperaturat e ulëta shumë rrallë depërtojnë në këto rajone, por kësaj radhe në shumë zona priten nga 10 deri në 15 centimetra reshje bore shfaqje jashtëzalonisht e rrallë.
Përndryshe më thellë në Kontinent temperaturat janë ulur në mënyrë ekstreme nga -10 deri në -20 gradë Celsius, madje në shumë zona temperaturat janë ulur deri në -30, e ka disa zona ku ato kanë shkuar deri në -40 madje deri në -50 gradë Celsius diku në Kanada apo aty afër.
Çfarë nënkupton kjo për Evropën?
Ajri jashtëzakonisht i ftohtë me të arritur në Amerikë dhe Oqeanin Atlantik, ka provokuar “zgjimin” e Atlantikut dhe krijimin e cikloneve mjaft të fuqishme në Oqean, ndërsa rrymimet ajrore nga Oqeani Atlantik vijnë në drejtim të Evropës. Për këtë arsye aktivizimi masiv i Atlantikut ka kushtëzuar që rrymime më të ngrohta nga Atlantiku të depërtojnë në Evropë dhe këto rrymime ndihmohen nga erërat e fuqishme perëndimore të cilat janë të ngrohta dhe për këtë arsye këto ditë kemi mungesë dimri në shumë pjesë të Evropës, madje edhe në Ballkan. Kjo nuk do të thotë se ndodhë gjithnjë e njëjta, por shpeshherë kemi këtë kombinim të gjendjes dhe qarkullimit të masave ajrore globale.
Pra, përderisa ditëve të ardhshme do të vazhdojë dimri i acart në Amerikë, në Evropë do të kemi rritje të ndjeshme të temperaturave dhe pa ndonjë skenar dimëror, megjithatë kjo nuk do të thotë se nuk do të ketë fare dimër, ngase frontet e Atlantikut me depërtimet e tyre mund të kushtëzojnë reshje kalimtare bore në disa zona në Evropë, por jo ndonjë dimër i madh.
Kjo gjendje sinoptike mund të ndryshojë gjatë Shkurtit kur eventualisht mund të kemi ndonjë rikthim të dimrit edhe në Kontinentin e Vjetër Evropian./MeteoBallkan
