Një person i moshës madhore nga Bosnjë dhe Hercegovina ka humbur jetën mbrëmë si pasojë e reshjeve të dendura të borës dhe stuhive dimërore në Bosnjë.
Mediat boshnjake raportojnë se personi në fjalë ishte nisur nga Banjalluka në drejtim të një qendre shëndetësore për ekzaminime mjekësore, ndërsa rrugës ishte bllokuar nga stuhia dimërore. Ende nuk dihet saktë mënyra se si ka vdekur por autoritetet theksojnë se burri ishte bllokuar në një rrugë lokale nga reshje të dendura bore dhe pastaj kishte humbur jetën.
Bosnja dhe Hercegovina është përfshirë nga stuhi të fuiqshme dimërore dhe reshje të dendura bore dy ditët e fundit, ndërsa reshjet e borës pritet të intensifikohen ditëve të ardhshme. Reshje të dendura bore dhe stuhi dimërore do të përfshijnë edhe Kosovën, Maqedoninë dhe Shqipërinë veriore, lindore dhe juglindore ditëve të ardhshme./Meteoballkan
