Ishte një dimër i hidhur, i cili ishte kaq i ashpër, saqë ndaloi madje edhe varrimin e të vdekurve. Pesëdhjetë e dy vjet më pas, në Birmingham të Anglisë ende kujtohet dimri i papërsëritshëm i vitit 1963.
Kur bora filloi të binte në 1962, askush nuk e parashikoi atë që po i priste në prag të Krishtlindjeve. Kushtet e Arktikut, me temperatura afërsisht minus 20 ° C, mbretëruan për më shumë se dy muaj, duke krijuar shtigje të mëdha të dëborës, duke bllokuar transportin dhe duke lënë familjet – pa luksin e ngrohjeve qendrore – duke u ngrirë në shtëpi. Toka e fortë si shkëmb nuk do të lëshonte pe as edhe për të vdekurit, duke i bërë të padobishme lopatat e varrmihësve, njofton MeteoBallkan.
Jetesa e përditshme u bë një luftë pasi çmimet e ushqimeve u rritën me 30 përqind dhe familjet duhej të luftonin edhe me mungesën e ujit pasi çdo gjë ishte ngrirë.
Kështu ishte deri më 6 mars, kur Britania u zgjua në një mëngjes pa acar, dhe më në fund u lirua nga ai dimër që dukej se nuk do të largohej kurrë. Megjithatë, për të gjitha vështirësitë, historiani dhe kolumnisti i Birmingham Mail, Prof Carl Chinn, i cili ishte vetëm gjashtë vjeç në atë kohë, tha se familjet bënë çmos për të vazhduar me jetën normale.
Burimi: https://www.birminghammail.co.uk/news/nostalgia/1963-the-winter-birmingham-froze-solid-398756
