Pas një shtatori dhe tetori shumë të nxehtë dhe ndoshta ekstremisht të nxehtë edhe fillimi i Nëntorit ishte mjaft i nxehtë, me ulje të temperaturave në afat të shkurtër ndonjë ditë. Shikuar në përgjithësi kohëve të fundit është bërë trend mungesa e borës dhe goditjeve polare gjatë dy muajve të fundit të vitit e sidomos është rrallu paraqitja e reshjeve të borës gjatë muajit Nëntor.
Kjo nuk është ndonjë dukuri shqetësuese dhe as jo-normale, por e përmendëm vetëm nga kureshjta, ngase dimri ka kohën e vet.
Gjatë këtyre ditëve do të vazhdojnë temperaturat mbi pak mbi normat mesatare, megjithatë kjo do të ndryshojë të shtunën vonë dhe të dielën kur do të kemi ulje të temperaturave rreth vlerave normale ose pak nën vlerat normale. Në këtë periudhë do të kemi reshje bore në viset e larta malore.
Në fillim të javës së re temperaturat përsëri do të rriten paksa mbi vlerat mesatare dhe kjo për shkak të vazhdimit të rrymimeve të forta ajrore nga jugu dhe jugperëndimi.
Sipac ecurive aktuale sinoptike ky Nëntor mund të na “befasojë” fare lehtë me reshje bore edhe në viset më të ulëta të Republikës së Kosovës, por kjo mbetet të shihet më saktësisht ditëve të ardhshme ndërkohë që ne përcjellim evoluimin e gjendjes sinoptike./MeteoBallkan