Anticikloni jashtëzakonisht i fuqishëm që ka përfshirë Evropë Qendrore tani po pozicionohet në Evropën Lindore. Ky anticiklon do të vazhdojë të ndikojë në motin në rajonin tonë duke na siguruar mot stabil dhe me diell edhe ditëve të ardhshme.
Pra, sot si në Shqipëri po ashtu edhe në Kosovë dhe Maqedoni do të mbajë mot me diell, relativisht i nxehtë dhe mjaft stabil.
Netët dhe mëngjeset do të jenë të ftohta për shkak të kohëzgjatjes së netëve tipike vjeshtore.
Edhe ditët e ardhshme do të jemi nën ndikimin e të njëjtit anticiklon me qendër në Evropën Lindore. Pra, na presin edhe shumë ditë të mira vjeshtore apo nëse mund të themi verore në këtë Tetor.