Katër tërmete të tjerë kanë shkundur Korçën që nga mesnata. Më i forti, 3.9 ballë, ka rënë në orën 5:49 minuta sot, 15 km në jug të korçës në thellësinë 5 km. Banorët e disa fshatrave janë ende të strehuar në çadrat e Emergjencave Civile prej dy ditësh, të frikësuar se lëkundjet do të përsëriten.
Gjatë natës janë ndjerë disa lëkundje me magnitudë 2.1 dhe 2.4 të shkallës Rihter. Ende nuk dihet nëse lëkundjet janë shoqëruar me dëme të tjera materiale. Kujtojmë që të paktën 184 banesa rezultojnë të dëmtuara nga lëkundjet e mëparshme, 60% e të cilave rezultojnë të pabanuara. Qindra banorë janë detyruar të strehohen në çadrat e e ngritura nga Forcat e Armatosura.
Zyra sizmike në Korçë më herët tha se 65 lëkundje janë regjistruar brenda 30 orëve në vend. Lëkundjet janë ndjerë në juglindje të vendit, Korçë dhe Greqi. 35 prej këtyre lëkundjeve janë rregjistruar nga stacioni sizmik në juglindje. 11 prej gjithë këtyre lëkundjeve janë ndjerë nga banorët e Qarkut të Korcës./ballkanweb