Programi “Mirëmëngjes Britani” ka treguar me vështirësitë me të cilat është përballur gjatë raportimit gazetari, Nick Dixon, gjatë kohës së goditjes së stuhisë Eowyn.
Eowyn ka sjellë tashmë shpejtësi të erës prej 183 km. Një paralajmërim i kuq i nivelit të lartë për erë është në fuqi si në Irlandën e Veriut që nga mëngjesi i hershëm i së premtes (24 janar) dhe tani është shtrirë në pjesë të Skocisë.
Stuhia ka ndalur transportin publik mes paralajmërimeve për rrezik për jetën, ka dëmtuar linjat elektrike, infrastrukturën dhe ka shkaktuar ndërprerje të shumta të energjisë. Ka pasur paralajmërime për të mos udhëtuar në Irlandën e Veriut dhe Skoci.
Gazetari i GMB Dixon po raportonte drejtpërdrejt nga qyteti bregdetar i Largs në Skoci kur stuhia Eowyn goditi, por ai mund të shihej duke luftuar për të qëndruar në këmbë ndërsa u godit nga erërat tejet të forta.
Duke u përpjekur maksimalisht për të përditësuar shikuesit ndërsa goditet nga stuhitë, Nick shpjegoi: “Era me të vërtetë është intensifikuar, veçanërisht në 45 minutat e fundit”.
@thesun Watch moment GMB reporter is battered by Storm Eowyn gales as viewers slam ITV as ‘stupid’ for sending him out. #gmb #gmbreporter #storm #stormeowyn #gales #galeforcewinds #itv #weather #ukweather #extremeweather #news #uknews #thesun ♬ original sound – The Sun
Një person ka vdekur në Irlandë dhe qindra mijëra shtëpi janë pa energji elektrike në Mbretërinë e Bashkuar pasi stuhia Eowyn e goditi vendin me erëra rekord.
Burri vdiq kur një pemë ra mbi veturën e tij në County Donegal, njoftoi Gardai (policia irlandeze).
