Fronti i ftohtë ka arritur deri në kufi me Malin e Zi dhe po sjellë shira të dendur në Kroaci dhe Bosnjë dhe Hercegovinë tani. Në orët e ardhshme pritet të zgjerohet drejt Malit të Zi, ndërsa do të stacionohet në territoret e Bosnjës dhe Kroacisë duke bërë progres të ngadalshëm drejt Serbisë dhe Malit të Zi.
Fronti i ftohtë do të shkaktojë destabilizim edhe më të fuqishëm të motit tani e tutje në Bosnjë, Mal të Zi dhe Serbi e nesër edhe në Shqipëri (gjatë natës sonte në bregdet), Kosovë dhe pjesë të Maqedonisë së Veriut.
Më në fund vonë në mbrëmje fronti nga deti pritet të arrijë në bregdetin shqiptar nga deti me sisteme stuhish me vetëtima dhe bubullimë, ndërsa në Kosovë arrin të dielën, fillimisht me reshje lokale kalimtare e pastaj me zhvillime mjaft të fuqishme konvektive dhe ulje të temperaturave.
Fronti ka rritur temperaturat në vendet tona ngase ka shtyrë ajrin shumë të nxehtë pikërisht në drejtim të territoreve tona dhe deri në depërtimin e tij te ne do të jetë shumë nxehtë. Me depërtimin e tij nesër do të pasojë ulja e temperaturave.
Përderisa në viset tona po mbanë mot shumë i nxehtë veror krejt ndryshe është moti jo shumë larg në Bosnjë, Kroaci dhe Slloveni. Shumë shpejt edhe Mali të Zi do të përfshihet nga stuhi të fuqishme lokale, ndërsa gjatë natës bregdeti shqiptar e gjatë ditës dhe mbrëmjes së diele edhe Kosova dhe pjesë të Maqedonisë së Veriut./METEOBALLKAN
