Ashtu siç shkruam më herët për stuhitë e fuqishme që priten pasditen dhe mbrëmjen e nesërme në shumë pjesë të Sllovenisë, Kroacisë, Bosnës, Serbisë dhe Rumanisë edhe faqja e madhe meteorologjike amerikane Accuweather ka vendosur paralajmërim për këto zona.
Siç shihet edhe në foton kryesore, meteorologët e Accuweather parashikojnë atmosferë eksplosive nesër pasdite në këto rajone, kur parashihen shtrëngata të fuqishme me vetëtima dhe bubullima masive, breshër si dhe paralajmërohet edhe mundësia e paraqitjes së ndonjë tornadoje.
Ne nuk do të jemi në fushën e rrezeveprimit të këtyre stuhive dhe energjia kryesore do të “shpenzohet” larg territoreve tona, megjithatë pasdite vonë nesër në veriperëndim dhe veri të Kosovës mund të ketë ndonjë rrebesh të izoluar shiu me vetëtima dhe bubullimë./Meteoballkan
