Nga dita e sotme kemi hyrë nën ndikimin e rrymave ajrore që vijnë nga veriu por ftohja do të vije gradualisht. Nga e hëna do të kemi edhe reshje lokale dhe të herëpashershme bore dhe do të kemi depërtim të mëtutjeshëm të masave ajrore të ftohta nga veriu apo me origjinë polare. Nga 2 ose 3 Janari do të vije deri te depërtimi mjaft i fuqishëm i masave ajrore të reja të ftohta nga veriu apo me origjinë polare. Pra, të gjithë përbërësit për një dimër të fuqishëm dhe të ashpër janë pothujase 99% të sigurta. Ajri i ftohtë Siberik do të depërtojë thellë edhe në Shqipërinë bregdetare, por kjo nuk është garancë për reshje bore në bregdet sepse mungon ciklogjeneza apo masa ajrore e lagësht ciklonike.
Megjithatë pas depërtimit të masës së fuqishme të ftohtë ajrore mund të krijohen edhe ciklongjenza dhe të shoqërohen me reshje bore në tërë rajonin duke përfshirë edhe Bregdetin Shqiptar. Kjo nuk është e sigurtë 100% por gjasat ekzistojnë. Pra, po hyjmë në një fillim-Janar me goditje Siberike dhe kjo është e sigurtë. Se si do të rrjedhin ngjarjet apo si do të ecin kushtet sinoptike pas depërtimit të masës së fuqishme të ftohtë Siberike kjo mbetet të shihet sepse këtë enigmë ende as modelet nuk po mund ta zgjidhin.
Cfarë mund të themi nga tani është që të përgaditeni për mot shumë të ftohtë dhe me temperatura Siberike. Në shume rajone të Kosovës dhe Shqipërisë kontinetale reshjet e borës dhe acaret Siberike janë pothuajse të sigurta por mungon qartësia rreth intensitetit të reshjeve të borës. Të gjitha këto do të sqarohen ditëve të ardhshme dhe ne do tju informojmë me kohë./Meteoballkan.
