Mbi rajonin tonë po mbretëron mot kryesisht stabil dhe mjaft i ngrohtë, megjithatë në disa vise ka jo-stabilitete lokale dhe rrebeshe shiu sidomos në skajin verior të Kosovës. Në pjesët tjera të vendit pati mot stabil me ndonjë rrebesh të rrallë të izoluar shiu.
Mot pothuajse i ngjashëm pritet të mbajë edhe ditën e nesërme (e mërkurë) dhe temperaturat pritet të jenë mjaft të larta, ndërsa nga e enjta masa më të freskëta ajrore nga Evropa Kontinentale do të depërtojnë në rajonin tonë duke ulur temperaturat.
Këto masa të freskëta ajrore fillimisht pritet të jenë të thata dhe kryesisht pa reshje atmosferike, ndërsa nga fillimi i muajit Maj ka gjasa që të kemi edhe reshje lokale atmosferike.
Pra, vazhdon mot pranveror, deri të enjtën mjaft ngrohtë, nga e enjta më freskët por ende pa reshje signifikante. Mundësi për reshje paraqiten në fillim të muajit Maj./MeteoBallkan
