Temperaturat janë mjaft të larta sot në rajonin tonë i cili është rajoni më i nxehtë në tërë Evropen së bashku me jugun e Spanjës.
Temperaturat në Shqipëri sot kanë arritur deri në 28-29 gradë Celsius e që është vendi më i nxehtë në Evropë sot, por shumë shpejt moti pritet të fillojë të ndryshojë.
Gjatë natës do të ketë shtim të vranësirave fllimisht në Shqipëri, ndërsa në orët e mëngjesin priten rrebeshe shiu me vetëtima dhe bubullimë përgjatë bregdeti shqiptar. Vende-vende priten rrebeshe intensive shiu. Reshje lokale shiu nesër priten vende-vende edhe në Kosovë dhe Maqedoninë Veriore, ndërsa të enjtën priten reshje intensive shiu edhe në Kosovë dhe Maqedoni. Temperaturat pritet të shënojnë ulje të ndjeshme nga dita e enjte. Reshje shumë intensive priten në jug, qendër, lindje dhe juglindje të Shqipërisë ku mund të ketë edhe vërshime. Reshje mjaft intensive të enjtën priten edhe në Maqedoninë Veriore, ndërsa stuhitë më të mëdha priten në perëndim të Greqisë./Meteoballkan
