Në shumë vise të Kosoves, Maqedonisë së Veriut, Luginës së Preshevës dhe viseve kontinentale të Malit të Zi edhe sot ka zhvillime të rrebesheve të izoluara të shiut të cilat vetëm në disa rajone janë të fuqishme. Një sistem i fuqishëm, pak më herët u “shkarkua” jo shumë larg Podujevës diku rreth fshatrave në kufi me Serbinë.
Në Shqipëri sot më pak zhvillime kryesisht në veri të vendit, ndërsa gjatë natës dhe nesër edhe Shqipëria do të përfshihet nga stuhi lokale dhe rrebeshe shiu me vetëtima dhe bubullimë.
Gjatë ditës së sotme do të vazhdojnë alternimet mes vranësirave e intervaleve kohore me diell. Rrebeshet e fuqishme, të herëpashershme do të jenë prezente vetëm në disa rajone, pra jo në gjithë territorin.
Reshjet dhe rrebeshet e shiut do të intensifikohen të hënën, ndërsa nga e marta deri të enjten do të pauzojnë./Meteoballkan
