Edhe sot jemi nën ndikimin konstant të masave ajrore me të nxehta me origjinë nga Afrika Veriore dhe temperaturat pritet të arrijnë deri në 36 gradë Celsius në Kosovë, por pasdite mund të ketë rrebeshe të izoluara shiu në disa vise kryesisht kodrinore malore.
Më së nxehti sot pritet të jetë në Maqedoninë Veriore, ndërsa në Shqipëri ndoshta pak më freskët se ditën e kaluar, por ende mbetet nxehtë.
Nesër pasdite në Kosovë pritet destabilizim i fuqishëm i atmosferës, me zhvillime të shtrëngatave lokale sidomos në veri, verilindje qendër, juglindje dhe lindje të vendit, lokalisht edhe në vise tjera. Në ndonjë rajon rrebeshet intensive dhe breshri mund të jenë problematike.
Po ashtu priten edhe sharkime të fuqishme atmosferike apo rrufe./Meteoballkan