Sot në Kosovë do të mbajë mot me diell dhe me ndonjë vranësirë kalimtare, do të jetë mjaft nxehtë, njëjtë sikurse dje.
Temperatura do të sillen nga 9 deri 17 kurse më e larta e ditës nga 27 në 30.
Edhe në Shqipëri nesër do të mbajë mot i kthjellët dhe mjaft i nxehtë. Mot i ngjashëm do të mbajë edhe në Maqedoni pra pa kurrfar; ndryshimi.
Në anën tjetër të Evropës kemi Ex Uraganin Florence i cili tani është dobësurar duke rrugëtuar nëpër Oqeanin Atlantik dhe i cili ka ndërruar edhe emrin dhe tani quhet Stuhia Ali. Ali do të godas Britaninë e Madhe me erëra mbi 100 km h.
Në Detin Mesdhe sot do të kemi krijimin e një Uragani Mesdhetar të cilin meteorologët e quajnë Medikan si fenomen metorologjik. Ky Medikan do të krijohet në Detin Etrusk afër Italisë dhe do të godas pjesë të Sicilisë dhe Sardinjës duke shkaktuar reshje të fuqishme shiu dhe stuhi me vetëtima dhe bubullimë. Ky Medikan nuk ka mundësi të lëviz në drejtim të Ballkanit sepse dimensioni i tij është i vogël dhe gjithashtu pengohet edhe nga anticikloni i fuqishëm i cili është i pranishëm tek ne.
Sipas parashikimeve më të fundit të modeleve globale kompjuterike në rajonin tonë nuk do të kemi ndryshim substancial të motit deri ditën e Hënë të javës së ardhshme. Të Hënën do të kemi depërtimit e frontit të fuqishëm të ftohtë ajror i cili do të sjell shira kalimtare në Kosovë dhe Shqipëri kurse ditëve tjera në Detin Jon do të krijohet një ciklogjenezë i cila do të na sjell reshje shiu si në Kosovë poashtu edhe në Shqipëri dhe Maqedoni. Në Shqipëri ka gjasa që të ketë edhe stuhi të fuqishme me vetëtima dhe bubullimë posaqërisht në Bregdet dhe Ultësirën perëndimore kurse në Kosovë priten reshje shiu në viset e ulëta si dhe reshje bore në viset malore.
Sipas modelit ECMWF natën mes të martës dhe të mërkurës reshjet e borës mund të paraqiten edhe në shumë qytete të Kosovës dhe kjo do të jetë një befasi e madhe nëse realizohet sepse një gjë e tillë vështirë që ka ndodhur ndonjëherë në Muajin Shtator.
Sidoqoft; kjo situatë nuk është përfundimtare dhe ndryshimet mund të ndodhin dhe sapo të ndodhin ne do t; ju informojmë ditëve të ardhshme në portalin tonë dhe tuajin. Meteoballkan
