Masa mjaft e ftohtë ajrore që ka “gllabëruar” viset tona do të jetë e pranishme edhe sonte gjatë natës duke rrezikuar edhe acar në disa rajone të viseve tona kontientale. Kthjellimi gati i plotë i motit gjatë natës dhe dobësimi i plotë i erërave do të shtojnë gjasat që të ketë brymë, ndërsa temperaturat minimale parashihen nga 1 deri në -1 gradë Celsius, ndërsa në ndonjë rajon mund të ulet deri në -2 gradë Celsius.
Ngrica nuk do të ketë në tërë territorin, por vetëm lokalisht në disa rajone ku zakonisht janë më të ftohta.
Gjatë ditës së nesërme temperaturat shënojnë rritje rapide dhe pritet mot i këndshëm pranveror. Sipas të gjitha gjasave më nuk rrezikohemi nga acari i mëngjesit. Gjatë fundjavës temperaturat shënojnë rritje si ato minimale, po ashtu edhe ato maksimale, megjithatë do të ketë gjasa për rrebeshe lokale shiu pasditeve dhe mbrëmjeve, vende-vende edhe me bubullima./METEOBALLKAN
