Stuhia më e fuqishme në planet ka goditur direkt ishullin Abaco të Bahameve dhe veriun dhe veriperëndimin e Bahameve duke lënë pas shkatërrim dhe mizerje.
Kryeministri e Bahameve Hubert Minis deklaroi sot se shkatërrimet në ishullin Abaco janë të papara deri më tani. Uragani i dytë më i fuqishëm në histori Dorian mbetet ende ekstremisht i rrezikshëm deklaroi kryemistri Minnis.
Të paktën 13000 shtëpi janë shkatërruar deri në themel, ndërsa imazhet e shumta nga ishulli tregojnë për vërshime masive, drunjë dhe vetura të shkatërruara etj.
Stuhia goditi Bahamet si Uragan i kategorisë së pestë dhe erërat arriten shpejtësinë deri në 250km/h.
Pas Bahameve Dorian tani gjendet ball për ball bregut juglindor dhe lindore të Shteteve të Bashkuara të Amerikes, respektivisht Florides, Gjeorgjisë dhe Karolinave jugore dhe veriore.
Lajmi shpresëdhënës është se Dorian do të bëjë kthesë vendimtare drejt veriut për ti ikur impaktit direkt me këto shtete amerikane, megjithatë kjo nuk mund të jetë tërësisht e sigurtë.
Sidoqoftë gjendje emergjente është shpallur në Floridë, Gjeorgji dhe Karolinat jugore dhe veriore sepse edhe gabimi më i vogel i modeleve globale kompjuterike për parashikim të motit mund të ketë pasoja katastrofike theksojnë meteorologët duke bërë thirrje te qytetarët të përgaditen për më të keqen për çdo eventualitet./Meteoballkan