Një përmbledhje javore e motit në të gjithë Evropën tregon se disa ndryshime në modelin e përgjithshëm mund të priten, por për pjesën më të madhe të Evropës, gjendja pritet të mbetet e njëjtë.
Veçanërisht rajoni i Arktikut do të përjetojë temperatura shumë më të larta sesa normalja, ndërkohë një masë e ajrit të ftohtë pritet të përhapet nëpër rajonin lindor dhe qendror të Evropës dhe Gadishullit të Ballkanit gjatë kësaj fundjave. Derisa mot dinamik me shi pritet të vazhdojë të mbajë në të gjithë Gadishullin Iberik dhe Mesdhe.
Siç e potencuam edhe gjatë natës së mbrëmshme nga e Mërkura pritet gradualisht që të kemi ndryshim të motit në rajon. Ndryshimi do të jetë tek temperaturat të cilat do të fillojnë të shënojnë ulje graduale. Nga Siberia një masë ajrore do të depërtojë në drejtim të Turqisë, Rumanisë, Bullgarisë dhe Greqisë duke përfshirë edhe vendin tonë.
Në shumicën prej këtyre vendeve në viset malore priten edhe reshje bore. /Meteoballkan
