Tani pothuajse është më se e sigurtë se fillimi i Janarit do të na sjellë goditjen të fuqishme polare në rajonin tonë dhe rajoni ynë do të përballet me temperatura shumë të ulëta Siberike. Nga dita e hënë në Kosovë do të fillojnë edhe reshjet e borës. Reshje bore do të ketë edhe në disa rajone në Shqipëri, Maqedoni dhe Mal të Zi. Reshjet borës nuk do të jenë gjithëpërfshirëse fillimisht.
Me kalimin e frontit të parë të ftohtë ajror që pritet ditën e fundit të keëtij viti nga fillimi i muajit Janar do të kemi depërtimin e vazhdueshëm të masave ajrore të ftohta me origjinë polare. Rajoni ynë do të goditet nga temperatura Siberike dhe erëra të fuqishme veriore. Nuk do të mungojnë as reshjet e borës por për momentin reshjet e borës nuk duket se do të jenë me intesitet të lartë. Megjithatë nuk duhet befasuar edhe nëse do të kemi reshje të mëdha të borës sepse goditja Siberike do të jetë e fuqishme dhe kjo do të shkaktonte kundëreagimin e Mesdheut me ciklogjeneza eventuale, por këtë modelet ende nuk po e shohin qartë. Ne jemi duke e përcjellur gjendjen dhe do tju lajmërojmë me kohë për çdp eventualitet./Meteoballkan.
