Sezona e urganëve ka fillur në Oqeanin Atlantik por deri më tani nuk kemi patur ndonjë Uragan i cili do të kërcënonte seriozisht Shtetet e Bashkuara të Amerikës këtë sezonë.
Megjithatë meteorologët amerikanë kanë vërejtur disa zona energjie tropikale të Oqeanin Atlantik të cilat ditëve të ardhshme potencialisht mund të aktivizohen dhe të krijojnë sisteme stuhish të cilat eventualisht mund të shndërrohen edhe në Uragane të rrezikshme. Tani jemi në vlugun e sezonës së uraganëve në Shtetet e Bashkuara të Amerikes dhe muaji Shtator është muaji më i rrezikshëm.
Sidoqoftë deri më tani Atlantiku ka qenë kryesisht i qetë në këtë aspekt edhe pse ka patur dy tre uragane këtë sezonë por të cilat kanë rrugëtuar kryesisht në ujërat e hapura oqeanike dhe të cilat nuk kanë paraqitur fare rrezik. Tani situata po përcillet me vëmendje dhe të gjitha opcionet janë të hapura./Meteoballkan