Stuhia masive ose uragani “Fiona” që zhyti në ujë dhe baltë ishullin e Porto Rikos tani gjendet përballë brigjeve lindore të Shteteve të Bashkuara të Amerikes, por pa impakt direkt në token amerikane.
“Fiona” po udhëton dhe po hynë në ujërat më të ftohta të Atlantikut duke u fuqizuar edhe më shumë dhe pritet të godasë Nova Scotian e Kanadasë me erëra shumë të fuqishme mbi 200km/h.
Pas kalimit në ujërat më të ftohta të Atlantikut “Fiona” do të humbë disa nga veqoritë tropikale për tu shndërruar në një ciklon të fuqishëm extra-tropikal.
Autoritet e Kanadasë kanë lajmëruar banorët e Nova Scotias për rrezikun që paraqet kjo stuhi shumë e fuqishme e cila është emëruar nga disa meteorologë dhe banorë të atyre trevave si stuhia Frankenstein./MeteoBallkan
