Reshjet e dendura të shiut gjatë natës dhe mëngjesin shkaktuan edhe përmbytje në disa zona, ndërsa tani kemi fillimin e depërtimit të frontit të ftohtë ajror dhe fillimin e uljes së ndjeshme të temperaturave.
Erërat veriore dhe veriperëndimore veç kanë filluar të ndjehen dhe shiu shumë shpejt do të bëhet borë, por sot nuk pritet borë në tërë territorin. Priten rrebeshe bore, ndërsa më vonë me fuqizimin e anticiklonit Skandinav reshjet do të ndërpriten tërësisht dhe pritet kthjellim i pjesërishëm i motit. Ulja e temperaturave do të jetë kontinuele. Nesër (e premte) nuk priten reshje atmosferike por do të jetë mjaft ftohtë, ndërsa pasnesër cikloni i fuqishëm dimëror do të përfshijë Kosovën, Shqipërinë dhe Maqedoninë Veriore me reshje të dendura bore./Meteoballkan