Sistemi frontal me rrebeshe shiu me vetëtima dhe bubullimë, reshje të dendura shiu dhe ulje të temperaturave është krijuar tashmë në Evropë dhe po avanson gradualisht në drejtim të rajonit tonë, megjithatë derisa fronti të arrijë tek ne kemi edhe dy ditë në dispozicion për tu kënaqur me motin e mirë, sot dhe nesër.
Efekti i frontit do të ndjehet qysh nesër në mbrëmje dhe gjatë nates në Bregdetin Shqiptar ku do të ketë rrebeshe lokale shiu me vetëtima dhe bubullimë, ndërsa të enjtën fronti do të përfshijë tërë rajonin tonë dhe do të kushtëzojë reshje shiu, vende-vende priten rrebeshe të fuqishme shiu me vetëtima dhe bubullimë veçanërisht në Shqipëri. Edhe në Kosovë lokalisht do të ketë rrebeshe shiu me vetëtima dhe bubulimë, por me uljen e temperaturave do të ketë vetë, reshje shiu të cilat vende-vende në intervale të caktuara kohore mund të jenë të dendura.
Rrebeshe apo reshje shiu të entjën priten edhe në Maqedoninë Veriore dhe Mal të Zi, ndërsa në Malet e Bosnës do të bije bora e parë sezonale. Nuk përjashtohet mundësia që fjollat e bores të paraqiten veçanërisht në veiun e Malit të Zi, por mund të ndodhë edhe në skajin verior të Shqipërisë dhe në majat më të larta të Kosovës. Gjatë dites së premte pritet që reshjet të ndërpriten por do të jetë mjaft freskët, vende-vende edhe ftohtë./Meteoballkan