Nuk mund të kemi gjendje më të përshtatshme sinoptike për reshje të dendura bore se sa ajo që në realitet po parashihet. Ishte krijuar një trend nga modelet globale numerike të cilin trend e konsideruam mjaft serioz dhe njoftuam para disa ditëve për mundësinë e reshje të dendura të borës për festat e fundvitit dhe tani gjasat janë shumë, shumë reale që kjo të realizohet. Vetëm ndonjë anomali ose çudi e madhe në modele do të sillte ndonjë ndryshim substancial ose një version tjetër të motit.
Mbetet pikëpyetje e vogël vetëm data e sakte e goditjes polare ku modeli GFS parasheh “Krishtlindje të bardha” me reshje të dendura bore pikërisht me 25 Dhjetor, ndërsa modeli ECMWF para sheh reshje të dendura bore një ditë pas krishtlindjeve katolike. I përmendem Krishtlindjet nga se në Evropë është bërë obsesion që të festojnë në bardhësi të pafund festat e tyre për shkak të mungesës së madhe të dëborës gjatë kësaj kohe në vitet dhe dekadat e fundit. Është mjaft interesant se si kroatët dhe sllovenët po i gëzohen kësaj bore.
Sidoqoftë gjatë fundit të javës së ardhshme do ta kemi një goditje të mirëfilltë polare e cila kësaj radhe me shumë gjasa do të na sjellë edhe reshje të dendura bore dhe kjo sipas të gjitha gjasave pritet të ndodhë me 26 Dhjetor. Ne do të shohim evoluimin e gjendjes sinoptike dhe do tju njoftojmë me detaje të reja./Meteoballkan
