Rajoni ynë gjendet nën ndikimin e masave të fuqishme ajrore stabile anticiklonike dhe për këtë arsye sot kemi fenomenin e inversionit të temperaturave që ndodhë shpeshherë gjatë muajve të vjeshtës së vonshme e sidomos gjatë dimrit.
Mjegulla dhe vranësirat e ulëta kanë krijuar një shtresë në atmosferë dhe nuk kanë lejuar depërtimin e rrezeve diellore dhe për këtë arsye temperaturat kanë mbetur mjaft të ulët sot gjatë tërë ditës veçanërisht në zonat e ulëta të vendit tonë.
Gjatë ditëve të ardhshme do të kemi masa të reja ajrore anticiklonike që vijnë nga Afrika veriore. Mëngjeset dhe netët do të jenë të ftohta, ndërsa ditët gjithnjë e më të ngrohta. Vetëm në ato rajone ku eventualisht mund të ketë përqëndrim të mjegulles dhe vranësirave të ulëta edhe gjatë ditës do të jetë ftohtë.
Sidoqoftë, temperaturat pritet të shënojnë rritje sidomos gjatë fundjavës dhe fillimit të javës së re. Maksimalja pritet të arrijë deri në 15 gradë Celsius, madje mund të ndodhë edhe tejkalimi i kësaj shifre, ndërsa në viset mesdhetare edhe më ngrohtë./MeteoBallkan
