Një masë e dobët ciklonike po depërton sot në rajonin tonë duke destabilizuar atmosferën, por në masë mjaft të kufizuar. Siç shihet në imazhet satelitore në rajon ka rrebeshe të izoluara sidomos në Bosnjë dhe Serbi, ndërsa disa sisteme të vogla rrebeshesh të fuqishme kemi edhe në jug dhe qendër të Shqipërisë. Një sistem i izoluar ishte më herët në veri të Kosovës.
Në vazhdim të ditës nuk pritet ndonjë ndryshim i madh i motit. Do të vazhdojnë të zhviillohen disa sisteme të izoluara që vende-vende mund të kushtëzojë rrebeshe shiu me vetëtima dhe bubullimë, ndërsa shumica e territorit do të mbetet pa reshje.
Nga nesër masa ajrore më e thatë anticiklonike do të fuqizohet në rajonin tonë, por ende mbeten disa gjasa për ndonjë rrebesh të izoluar shiu. Të enjtën dhe të premtën rritje të ndjeshme të temperaturave dhe mbetet kryesisht pa reshje. Natën mes së premtës dhe shtunës ose Të shtunën pritet të kemi një front të fuqishëm të ftohtë ajror ku kemi gjasa të mira për zhvillime të fuqishme të vranësirave të shiut që do të kushtëzonin rrebeshe lokalisht të fuqishme shiu me vetëtima, bubullimë dhe mundësi për breshër./MeteoBallkan