Temperatura shumë të larta për këtë periudhë kohore përfshinë rajonin tonë duke përfshirë edhe Republikën e Kosovës ku maksimalja arriti deri në 28 gradë Celsius gjatë ditës së Shtunë. Erërat lokalisht ishin të fuqishme nga jugu, juglindja dhe jugperëndimi.
Tani kemi ndryshim gradual të gjendjes. Erërat janë fuqizuar edhe më shumë nga jugperëndimi dhe perëndimi dhe fronti i ftohtë ajror po afrohet me shpejtësi, megjithatë ende pa reshje atmosferike shumë të nevojshme. Ky Mars do të mbahet mend si një Marset më të thata në historinë e matjeve meteorologjike.
Sidoqoftë reshje shumë të mirëseardhura, lokale shiu do të përfshijnë gjatë ditës së Hënë shumë pjesë të Kosovës, por edhe sot pasdite mund të ketë stuhi të izoluara vetëm në disa zona periferike të Kosovës.
Erërat perëndimore dhe jugperëndimore edhe sonte do të jenë me ne, por në mbrëmje do të fillojnë të dobësohet, ndërkohë që gradualisht do të fillojnë të ndryshojnë drejtim gjatë natës ose mëngjesin e së Hënës në veriperëndimore, pastaj të fuqishme veriore dhe verilindore.
Të Hënën, Të Martën
Së bashku me erërat veriore do të vijnë vranësira të dendura me reshje shiu të cilat në viset kodrinore-malore do të shndërrohen në reshje bore, ndërkohë që vazhdon rënia e temperaturave. Reshje shqote e bore priten edhe në disa ultësira të Kosovës, perëndimit të Maqedonisë së Veriut dhe lindjes së Shqipërisë. Gjatë ditës së Marte me reshje kalimtare, lokale bore temperaturat pësojnë rënie edhe më signifikante duke sjellur acar gjatë orëve të hershme të mëngjesit të së Mërkurës, një acar që edhe mund të jetë mjaft i dëmshëm për vegjetacionin shumë të hershëm. Të shpresojmë që dëmi të jetë sa më i vogël.
Nga e enjtja stabilizim i motit dhe rritje e temperatruave, pra acari do të zgjasë së paku dy netë dhe një natë mund të jetë mjaft i dëmshëm veçanërisht mëngjesi i së Mërkurës, duke mos e nënvlerësuar edhe mëngjesin e së Enjtes./MeteoBallkan
