Rajoni ynë ende gjendet nën ndikimin e mases jo-stabile ciklonike e cila gjendet larg në Greqi dhe për këtë arsye rrebeshet janë gjithnjë e më të rralla, edhe pse dje dhe sot ishte parashikuar të ketë rrebeshe më të përhapura, por kjo nuk ndodhi dhe parashikimet nuk ishin krejtësisht të sakta nga modelet globale kompjuterike për parashikim të motit.
Energjia kryesote e ciklonit të shtresave të larta të atmosferës po shkëmbehet në territorin e Greqisë dhe pjesërisht edhe në Maqedoninë Veriore, ndërsa në Kosovë dhe Shqipëri zhvillimet e sotme ishin sporadike. Më shumë rrebeshe pati në disa vise të rajonit të Dukagjinit.
Mot i ngjashëm na pret edhe ditëve të ardhshme, me intervale më të gjata kohore me diell, por duke mos përjashtuar mundësinë për zhvillimet e stuhive të të izoluara pasditeve dhe mbrëmjeve. Më shumë rrebeshe shiu parashihen në disa vise kontinentale të Shqipërisë, Malit të Zi dhe Maqedonisë së Veriut, ndërsa në Kosovë më rrallë më pak.
Bazuar në ecuritë aktuale sinoptike rrebeshet pritet të rikthehen në Kosovë me fillimin e javës së re./MeteoBallkan
