Nesër në Kosovë pritet të mbajë mot kryesisht i vranët dhe më shumë i thatë, por lokalisht mund të ketë reshje të dobëta të cilat pak më intensive mund të jenë orëve të vonshme të pasdites dhe mbrëmjes. Në viset e larta malore priten reshje bore në mbrëmje.
Temperaturat pritet të lëvizin nga 2 minimalet deri në 12 gradë Celsius ato maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me vranësira e në disa zona të Shqipërisë dhe Maqedonisë së Veriut priten edhe kthjellime sidomos pasdite. Reshje kryesisht të dobëta lokale priten në Mal të Zi dhe veri të Shqipërisë.
Reshjet e shiuT do të përfshijnë Shqipërinë të martën nga një ciklon i ri i fuqishëm që pritet të zhvillohet diku në Italinë jugore. Në Kosovë priten vranësira po kryesisht pa reshje të martën. Megjithatë, pasdite dhe në mbrëmje në Dukagjin priten reshje lokale shiu e borë në viset malore.
Cikloni do të fuqizohet me fillimit e Muajit të ri Prillit. Parashihen reshje shiu të cilat në Kosovë do të intensifikohen mbrëmjen e së mërkurës dhe të enjten e në viset kodrinore-malore priten reshje shqote e bore. Reshje shiu priten edhe në Shqipëri, Maqedoninë Veriore, Luginë të Preshevës e Mal të Zi sidomos të mërkurën dhe të enjten. Në Maqedoni dhe Kosovë mund të ketë reshje të dendura shiu e në viset malore reshje të dendura bore. Temperaturat pa ndonjë ndryshim të madh./MeteoBallkan
