Sot po mbanë mot i freskët dhe i këndshëm në gati tërë rajonin tonë duke iu falënderuar ciklonit i cili nga Italia erdhi në rajonin tonë duke kushtëzuar rrebeshe shiu dhe ulje të temperaturave. Freskimi i motit erdhi pas një vape pothuajse të padurueshme dhe të fortë të kësaj vere.
Edhe sot dhe disa ditët e ardhshme do të jemi nën ndikimin e këtij cikloni i cili nuk do të lejojë që motit të jetë stabil. Pas intervaleve diellore do të ketë gjithnjë gjasa për zhvillime konvektive. Zhvillimet konvektive nëse janë kushtet ideale në atmosferë mund të prodhojnë stuhi dhe shtrëngata të fuqishme lokale. Ashtu siç theksuam edhe në ditët paraprake edhe pse jemi nën ndikimin e mases ajrore ciklonike do të ketë periudha ose intervale të gjata me mot të qetë, ngase zhvillimet vijnë kryesisht orëve të pasdite (jo domosdo dhe jo gjithherë).
Pra, edhe sot pasdite priten zhvillime të fuqishme konvektive. Vende-vende priten rrebeshe të fuqishme me bubullima të zhurmshme. Po ashtu edhe ditëve të ardhshme do të ketë gjasa për zhvillime dhe këto masa ajrore ciklonike ditëve të javës pritet të fuqizohen në jug dhe juglindje të Shqipërisë si dhe në Maqedoninë Veriore dhe Greqi./MeteoBallkan
