Në këto çaste kemi kalimin e sitemit frontal që ka arritur në Maqedoninë Veriore ku lokalisht ka rrebeshe shiu me vetëtima dhe bubullimë si dhe erëra të fuqishme, ndërkohë që në Kosovë moti ka tendencë përmirësimi pas stuhive, erërave dhe rrebesheve lokale. Reshjet ende nuk janë të kënaqshme për disa pjesë të Republikës së Kosovës.
Stuhi dhe rrebeshe intensive të karakterit lokal në këto çaste ka edhe në jug të Shqipërisë, pjesërisht edhe në lindje të Shqipërisë.
Gjatë natës në Kosovë nuk pritet të ketë ndonjë zhvillim interesant, por mund të ketë riga ose ndonjë rrebesh lokal shiu, ndërsa në Shqipëri reshjet do të jenë më të theksuara duke i rigjeneruar shpeshherë në zona të ndryshme të vendit, Rrebeshe mjaft intensive duhet llogaritur në jug dhe perëndim të Shqipërisë, por lokalisht edhe në juglindje, qendër dhe lindje të vendit. Valë të reja stuhish dhe rrebeshe shumë të forta mund të godasin disa herë jugun e Shqipërisë deri nesër pasdite.
Edhe në Kosovë nesër do të ketë rigjenerim të reshjeve të shiut dhe kësaj radhe reshje më të theksuara priten në lindje të Kosovës, ndërsa rrebeshe intensive parashihen në Maqedoninë e Veriut dhe lokalisht edhe në Luginën e Preshevës.
Pra, pas një pauze reshjet do të rishfaqen përsëri, megjithatë të shtunën në Kosovë nuk pritet të ketë erëra shumë të forta. Erërat mjaft të fuqishme mund të kthehen të dielën ku pasdite do të ketë rrebeshe intensive shiu sidomos në rajonin e Dukagjinit./MeteoBallkan
