Pa ndonjë ndryshim të madh të motit edhe ditëve të ardhshme. Jemi dëshmitar të një moti dukshëm më të ngrohtë se që do të duhej të ishte që nga fundi i Janarit me pothuajse xero reshje bore. Përjashtim mund të bëjnë disa vise malore ku megjithatë nganjëherë pati reshje bore.
Gjatë tërë dimrit në Republikën e Kosovës bora më e madhe ka ra me 25 Nëntor, por në viset e larta malore reshje të dendura bore pati edhe në Dhjetor dhe Janar dhe kjo mjaftoi që gati e tërë sezona dimërore të ishte me borë sidomos në malet më të larta.
Në viset e ulëta borë pati vetëm me 25 Nëntor, ndërsa disa herave tjera kishte vetëm disa fjolla bore në disa zona dhe ky dimër mund të llogaritet si një dimrat më të varfër të reshjeve të borës në dekada. Mund të themi së ishte pothuajse “reprizë” e dimrit të kaluar ku reshjet e borës ishin jashtëzakonisht të rralla. Vlen të përmendet se dimrin e kaluar bora më e madhe kishte ra në muajin Prill dhe temperaturat e ulëta në fillim të pranverës kishin shkaktuar shumë dëme në pemëtari dhe disa kultura tjera bujqësore. Të shpresojmë që gjatë këtij viti të mos përsëriten temperaturat e ulëta në fillim të kësaj pranvere.
Sidoqoftë, gjatë këtyre ditëve nuk kemi ndonjë ndryshim të madh të motit. Vazhdojnë alternimet mes vranësirave e intervaleve kohore me diell duke kushtëzuar edhe ndonjë reshje lokale shiu kryesisht orëve të pasdites dhe mbrëmjes.
Të dielen pasdite mund të kemi zhvillime paksa më të fuqishme të vranësirave rebeshe pak më intensive në disa lokacione që mund të përcillen edhe më ndonjë shkarkesë atmosferike. Temperaturat pa ndonjë ndryshim të madh, ndërsa reshje më intensive shiu në të gjitha territoret tona presim ditën e Martë kur temperaturat do të shënojnë ulje të ndjeshme dhe në viset kodrinore-malore do të fillojnë edhe reshje shqote e bore./MeteoBallkan
