Moti u stabilizua sot, por vetëm përkohësisht.
Në veri të Italisë dhe Adriatik kemi masa ajrore ende mjaft aktive ciklonike.
Ky ciklon nesër dhe pasnesër pritet të depërtojë në drejtim të Ballkanit dhe Evropes lindore. Si pasojë priten ende reshje të shpeshta shiu sidomos nesër (të hënën).
Edhe të martën priten reshje të herëpashershme, lokale shiu të cilat mund të përcillen edhe me ndonjë vetëtimë dhe bubullimë. Reshje lokale shiu priten në tërë rajonin që nga Mali i Zi, pastaj Shqipëri, Kosovë dhe Maqedoninë Veriore.
Nga e mërkura kemi dobësim të përkohshëm të masave ajrore ciklonike dhe fillimin e fuqizimit të masave ajrore anticiklonike dhe pritet përmirësim i motit, megjithatë ende nuk pritet ndonjë përmirësim i plotë.
Nga fundjava sidomos e diela ka gjasa që Afrika më në fund të fillojë ti ”drejtojë antenat” kah rajoni ynë./Meteoballkan