Sot në tërë rajonin tonë po mbanë mot kryesisht i kthjellët dhe me diell, ndërsa mëngjesi ishte mjaft i ftohtë dhe me minuse të mira në disa rajone. Gjatë ditë në Kosovë temperatura maksimale pritet të arrijë rreth 14 gradë Celsius, ndërsa në Shqipëri edhe më nxehtë, deri 22 gradë Celsius në jug të vendit.
Këtë kthjellim e kemi si “dhuratë” nga anticikloni i fuqishëm i cili do të fillojë të dobësohet gradualisht nga dita e nesërme. Nga nesër gradualisht do të fillojë të ulet presioni atmosferik si rezultat i cikloni në Mesdheun perëndimor i cili përmes Italisë do të fillojë të ndikojë në rajonin tonë, por fatkeqësisht ky ciklon do të sjellë shumë më pak reshje atmosferike se sa që ishte paraparë paraprakisht. Temperaturat ende do të jenë të larta deri të dielën. Të dielën Në Shqipëri do të kemi reshje lokale shiu, ndërsa në Kosovë (natës dhe mëngjesin mes së dieles dhe së hënës), përpos rigave të dobëta të shiu do të fillojnë edhe reshje lokale bore të intensitetit kryesisht të dobët. Megjithatë temperaturat do të shënojnë ulje të theksuara si pasojë e depërtimit të ajrit të ftohtë polar dhe ndjesia e të ftohtit do të jetë e lartë për shkak të erërave të ftohta veriore./Meteoballkan