Është krijuar sitata perfekte sinoptike për depërtimin dhe stacionimin e masës ajrore të sertë afrikane në Ballkan. Nga Mesdheu qendror, Afrika veriore, në drejtim të Gadishullit Ballkanik janë krijuar masa stabile antciklonike dhe i ashtuquajturi bllok anticiklonik i shtresave të larta. Ky bllok antciklonik ka pozitë të ngjashme sikur ciklonet e Janarit të këtij viti të cilat sollën përmbytje të mëdha në rajonin tonë dhe sidomos në Kosovë. Atëherë kishim masa ajrore ciklonike shumë të pasura me lagështi dhe tani kemi masa të thata dhe shumë të nxehta nga Afrika Veriore të cilat evoluojnë vazhdimisht mbi rajonin tonë njofton Meteo Ballkan
Blloku antciklonik nuk lejon depërtimin e masës së freskët ajrore nga Atlantiku tek ne. Evropa si zakonisht është vija ndarëse në mes të masave të nxehta afrikane dhe atyre të freskëta nga Atlantiku dhe aty ku oshtë kontakti më i madh e këtyre masave të ndryshme ajrore zhvillohen stuhi dhe reshje të mëdha.
Siç po shihet në fotogradinë kryesore rajoni më i nxehtë në Evropë jemi ne dhe kjo do të vazhdojë edhe disa ditë njofton MeteoBallkan. Masat e freskëta ajrore nga veriperëndimi do të tentojnë të depërtojnë tek ne por do të pengohen vazhdimisht nga blloku i fuqishëm anticiklonik i formësuar në vije ajrore që nga Afrika Veriore, Mesdheu Qendror dhe Gadishulli Ballkanik. Nganjëherë mund të ketë depërtime dhe “çarje” të pengesës anticiklonike, por freskia ose stuhitë e fuqishme nuk do arrijnë deri tek sepse pritet të zhvillohen (nganjëherë) deri mbi Slloveni e ndoshta edhe Kroaci e Bosnjë pas disa ditëve.
MeteoBallkan sqaron se ajri i nxehtë afrikan vjen lirshëm përmes rrugëve ajrore, por ndihmohet edhe nga masat frontale ciklonike në Evropë të cilat mundësojnë rrymimet ajrore nga Afrika Veriore drejt Ballkanit dhe pjesëve të Evropës.
Në anën tjetër Evropa pritet të ballafaqohet me stuhi të reja të fuqishme ngase ciklonet nga Atlantiku mundësojnë një gjë të tillë. Gati e tërë Evropa pritet të ketë reshje shiu dhe stuhi lokale ditëve të ardhshme që nga Spanja veriore, Franca, Gjermania. Zvicra, Britania e Madhe, Italia veriore, Austria, Çekia, Sllovakia, Sllovenia, pastaj shtetet e Beneluksit: Holanda dhe Belgjika. Reshje të dendura priten edhe në Skandinavi që nga Norvegjia, Danimarka e deri në Rusi. Vende-vende priten reshje intensive të cilat pritet të shkaktojnë përmbytje.
Rajonet më të thata gjatë 10 ditëve të ardhshme do të jenë Spanja jugore dhe qendrore, Shqipëri, Kosova, Maqedonia e veriut, Greqia dhe pjesë të Turqisë. Të shpresojmë në ndonjë ndryshim në parashikime. Ndryshimet janë të mundshme.
Pra, ditëve të ardhshme në rajonin tonë temperaturat pritet të shkojnë lartë mbi mesatare: nga 8 deri në 11 gradë Celsius mbi mesatare në Kosovë dhe ka shumë të ngarë që të preket shifra 40 ose ndoshta edhe të tejkalohet për ndonjë gradë. Në Shqipëri, Mal të Zi dhe Maqedoninë Veriore kjo shifër veqse është arritur, ndërsa Mostari qe dy ditë me radhë ka temperaturarë deri në 41 gradë Celsius./Meteoballkan
Në foton poshtë shihen temperaturat mbi ose nën mesatare për këtë periudhë kohore në Evropë.
