Në këto çaste kemi disa celula rrebeshesh të fuqishme shiu me vetëtima dhe bubullimë në rajon, por në territorin e Shqipërisë janë krejtësisht të izoluara në veri dhe jug të vendit. Reshje shumë më përfshirëse ka në Malin e Zi, ndërsa rrebeshe lokale shiu ka edhe në veriperëndim të Kosovës. Rrebeshe të forta ka edhe në Bosnjë dhe Hercegovinë, perëndim e jugperëndim të Serbisë dhe pjesë të Kroacisë.
Në viset tjera është kryesisht vranët dhe pa reshje. Gjatë natës reshjet do të përfshijnë shumë vise të Shqipërisë e sidomos zonat bregdetare ku pritet të ketë edhe shkarkime atmosferike. Rrebeshe të herëpashershme mund të ketë edhe në perëndim dhe veri të Kosovës.
Në viset tjera të territoreve tona tona mund të ketë riga lokale shiu e herë pas here mund të ketë edhe ndonjë rrebesh lokal, por nuk priten reshje të mëdha./MeteoBallkan
