Cikloni i cili po dominon motin në Gadishullin Ballkanik po kushtëzon mot mjaft të këndshëm sa i përket temperaturave, ndërsa zhvillimet e stuhive lokale janë plotësisht normale kur jemi nën ndikimin e masave ajrore ciklonike gjatë verës.
Në këto çaste kemi zhvillime kryesisht të dobëta me disa riga ose rrebeshe shiu në zona të izoluara. Zhvillime pak më të fuqishme ka në juglindje të Shqipërisë dhe pjesërisht edhe në lindje të vendit si dhe në Mal të Zi ku ka rrebeshe me bubullima.
Në vazhdim të ditës zhvillimet pritet të intensifikohen në Shqipëri dhe Maqedoninë Veriore, ndërsa në orët e vonshme të pasdites edhe në Kosovë. Vende-vende edhe sot priten rrebeshe intensive shiu me vetëtima dhe bubullimë.
Cikloni do të vazhdojë ndikimin e tij edhe disa ditë. Përpos intervaleve kohore me diell priten edhe vranësira të shpeshta dhe zhvillime të stuhive lokale me bubullima./MeteoBallkan
