Edhe sot dhe nesër do të jemi nën ndikimin e kushteve të paqëndrueshme atmosferike dhe orët e pasdites parashihen zhvillime të lokalizuara të rrebeshe të shiut me vetëtima dhe bubullimë.
Përkundër motit me diell sot pasdite do të ketë disa zhvillime, normalisht rrebeshet do të jenë të karakterit lokal dhe nuk do të kapin shumë territore. Shqipëria gjatë tërë ditës mbetet kryesisht me diell dhe me mot stabil. Pasdite vetëm në disa vise malore mund të ketë ndonjë zhvillim të izoluar. Edhe Mali i Zi mbetet stabil me përjashtim të veriut të vendit ku mund të ketë disa zhvillime.
Zhvillime paksa më të theksuara sot priten në disa vise të Maqedonisë së Veriut dhe Luginës së Preshevës, por të gjitha do të jenë të karakterit krejtësisht lokal.
E Premtja sjellë zhvillime paksa më të fuqishme, ngase kemi edhe frontin e ftohtë që do të përshkallëzojë përkohësisht atmosferën. Pas frontit fillon depërtimi gradual i anticiklonit së bashku me ajrin e freskët.
Anticikloni do të shtrijë ndikimin e tij fuqishëm të shtunën duke larguar vranësirat e shiut, ndërsa temperaturat do të fillojnë të rriten gradualisht duke rezultuar në valë të fuqishme tropikale javën e re./METEOBALLKAN
