Stuhi të fuqishme bore kanë përfshirë veriun e Gjermanisë dhe tani pritet të stuhia e dëborës të shtrihet në drejtim të qendrës dhe perëndimit të vendit. Edhe në pjesë tjera të Gjermanisë ditëve të ardhshme priten reshje bore.
Transporti hekurudhor është pezulluar në shumë pjesë të Gjermanisë veriore për shkak të stuhisë dimërore. Po ashtu bëhet me dije se janë anuluar shumë fluturime si dhe ka pas aksidente të shumta në komunikacion.
Përpos Gjermanisë dimri i ka përfshirë edhe Holandën dhe shtetet tjera të Beneluksit, ndërsa reshjet më të fuqishme të borës priten në Poloni, Sllovaki, Austri, pjesë të Britanisë së Madhe, pastaj Ukraninë e deri në Rusinë jugore.
Temperaturat të ftohta polare do të përfshijnë edhe vendin tonë, por pas disa ditëve. A do të kemi reshje dëbore apo acari do të jetë i thatë tek ne mbetet ende të shihet./Meteoballkan