Të mira dhe të këqija, të thjeshta dhe të vështira, komplekse dhe të thjeshta dhe mënyra si vendosim të reagojmë është shprehi’ e karakterit tonë, i cili na ndihmon të përcaktojmë llojin e jetës që zgjedhim të bëjmë.
Historia e dy ujqërve, të cilën ju rrëfejmë më poshtë, në fton të reflektojmë mbi një çështje shumë të rëndësishme: gjërat që zgjedhim të ushqejmë në jetët tona.
Lexoje me vëmendje, dedikoji pak kohë analizës së realitetit tënd, të mendosh për zgjedhjet e tua dhe sit ë ecësh në një rrugë që të bën të lumtur dhe sjell prosperitet për ty.
Historia e dy ujqërve
Kjo histori transmeton mençurinë e indianëve dhe ka të bëjë me ndodhinë e një plaku, i cili i mësoi nipit të tij një leksion të çmuar që do e shoqëronte më pas gjatë gjithë jetës.
Në një natë me shumë yje, plakushi u ul jashtë shtëpisë dhe ftoi nipin e tij të ulej pranë tij.
I rrëfeu disa histori nga jeta e tij, histori që tregonin se ishte një ndër burrat më të mençur të fshatit dhe id ha këshilla për jetën.
Por leksioni më i vlefshëm që do i vinte ‘vulën’ jetës së nipit të tij ishte kjo:
“E di nipi im, brenda nesh gjithësecili ka dy ujqër. Këta ujqër luftojnë vazhdimisht me njëri tjetrin, një luftë e tmerrshme, që jo të gjithë mund ta përballojnë me lehtësi.
– Dy ujqër? Si ka mundësi? – pyeti nipi naiv.
“Kemi të gjithë dy ujqër tërësisht të ndryshëm brenda nesh. Njëri është e keqja, janë të gjitha ndjenjat e këqija që mund të ekzistojnë brenda qenies njerëzore: zemërimi, zilia, xhelozia, lajmia, krenaria, pendimi, frika dhe meskiniteti, ndjenja e fajita, egoja dhe arrogance.
Përsa i përket ujkut tjetër, është krejt e kundërta. Ai përfaqëson gjithçka që është e mirë brenda njeriut: mirësjellja, dashuria, shpesa, bujaria, gëzimi, paqja, besimi de e vërteta.”- shpjegoi plaku.
Atëherë nipi pyeti
“Cili nga ujqërit është më i fortë? Cili fiton luftën?”
“Kjo biri im, varet nga secili nga ne. Cilin do ushqeje? “
Një reflektim vërtet i rëndësishëm. Të dimë se cilin nga ujqërit po ushqejmë, mund të na ndihmojë të kuptojmë përse jetët tona ndjekin një rrugë të caktuar dhe na ndihmojnë të jetojmë me më shumë qëllime dhe domethënie.
Po ti, cilin nga dy ujqërit po ushqen? Mendohu
