Që nga nesër pasdite do të kemi ndryshim të motit, pasi që fronti polar do të depërtojë edhe në vendin tonë. Brengë e bujqve, sidomos e pemëtarëve, është acari që mund t’i dëmtojë kulturat e tyre bujqësore.
Nësër në mëngjes nuk ka mundësi që pemët që tashmë kanë nisur çeljen të dëmtohen, sepse do jetë ngrohtë.
Rrezik potencial për acar është në mëngjesin e së mërkurës sepse pas reshjeve pritet që moti të kthjellohet, megjithatë do të ketë erëra të cilat mund të ndihmojnë që pemët të mos dëmtohen. Temperaturat minimale do të ulen deri në -2 ose -3 gradë Celsius. Ndërkohë, temperaturat në viset malore mund të ulen deri në -5° Celsius.
Edhe natën mes së mërkurës dhe së enjtes do të jetë kthjellët dhe do të ketë gjasa reale për ngrica të dobëta në shumë rajone të Kosovës, por të shpresojmë që e tëra të kalojë pa dëme.
Pas të enjtes, nuk do të ketë më rrezik për ngrica sepse moti do të stabilizohet dhe ngrohet substancialisht./Meteoballkan
