Shikoni temperaturat reale në Itali ku në shumë rajone ajo ka arritur mbi 40 gradë Celsius, ndërsa edhe Ballkani po përballet me temperatura mjaft të larta dhe këtë mund të shohim nga ngjyra e kuqe e theksuar në fotografinë kryesore.
Është interesante në aspektin meteorologjik të përcillet kjo valë e nxehtësisë së fortë, por duhet të potencojmë se kjo nxehtësi është krejtësisht normale ngase jemi në mes të stinës më të nxehtë dhe në mes të muajit Korrik. Kur mund të kemi nxehtësi nëse nuk kemi tani?
Është plotësisht normale që të kemi kujdes gjatë valëve të nxehtësisë së madhe, ngase personat e moshuar, fëmijët dhe ata me shëndet paksa më të dobët duhet të kenë kujdes të madh gjatë orëve të mesdites sepse mund të pasojnë nga goditjet diellore dhe temperaturat e larta.
Këto paralajmërime ne si Meteo ballkan nuk i japin se po ndodhë diçka e jashtëzakonshme, pra e tëra është krejtësisht normale dhe vjen nga qarkullimi i masave ajrore në nivel global.
Temperaturat do të rriten edhe gjatë natës dhe tani e tutje do të kemi shumë netë tropike që do të thotë se temperaturat minimale nuk do të zbresin nën 20 gradë Celsius, por kjo nuk do të ndodhë në 100% të territorit.
Edhe njëherë vlenë të theksohet se të martën në Kosovë do të ketë ulje krejtësisht të lehta të temperaturave dhe disa vranësira e ndonjë rrebesh i izoluar shiu./METEOBALLKAN
