Cirkulacioni i ajrit jostabil në Gjirin e Gjenovës dhe Adriatikun Verior ka shkaktuar rrebeshe jashtëzakonisht të fuqishme në Italinë Qendrore, Veriore si dhe në shtetet e Ballkanit verior dhe qendror.
Reshje shumë intensive janë regjistruar në Itali ku raportohet për shtrëngata të fuqishme të shoqëruara edhe me breshër të përmasave të mëdha.
Cikloni Gjenovian ka përfshirë edhe shtetet e Ballkanit si Slloveninë, Kroacinë, Bosnjën dhe Hercegovinën ndërsa mbrëmë dhe sot në mëngjes rrebeshe të fuqishme shiu janë regjistruar edhe në Mal të Zi dhe pjesën veriperëndimore të Shqipërisë
Më poshtë kemi disa pamje që vijnë nga Italia të cilat dëshmojnë për furinë e natyres gjatë këtyre ditëve.
