Në postimin paraprak sqaruam gjendjen sinoptike dhe motin plotësisht stabil dhe të qetë që mbretërojë gjatë ditëve dhe javëve të kaluara. Mot i ngjashëm na pret edhe gjatë kësaj jave, ndërsa afër fundjavës parashihet ndryshim i gjendjes sinoptike për shkak të dobësimit të masave stabile anticiklonike ose “shembjes” së bllokut anticiklonik.
Nga Evropa veriperëndimore do të fillojnë të afrohen masa më të ftohta dhe jo-stabile ciklonike të cilat afër fundit të javës që po vjen do të kushtëzojnë shtim të vranësirave, ulje të temperaturave dhe reshje shiu, por edhe bore në viset malore.
Edhe modeli amerikan dhe ai evropian parashohim gjendje të ngjashme sinoptike gjatë fundjavës së ardhshme ku pritet që më në fund të përfundojë kjo “verë indiane”.
Në fotografinë kryesore shihet anomalia e temperaturave e cila do të kalojë në vlera nën-mesatare dhe kjo nënkupton uljen e temperaturave nën vlera mesatare, por deri atëherë kemi edhe shumë ditë të ngrohta dhe stabile. Përpos reshjeve të shiut do të ketë edhe reshje bore në viset malore, por sa do të zgjasë kjo ulje e temperaturave është shumë vështirë të dihet nga tani me saktësi, prandaj mbetet të presim dhe të përcjellim gjendjen sinoptike./MeteoBallkan
