Masat e fuqishme ajrore ciklonike që po kanë ardhur nga Atlantiku në Mesdhe kanë kushtëzuar rrymime mjaft të fuqishme ajrore nga jugu në rajonin tonë dhe kjo nënkupton se cikloni ka kushtëzuar rrymime direkkte ajrore nga Afrika veriore në drejtim të territoreve tona dhe për këtë arsye kemi të pranishme edhe rërën sahariane në shumë vise tona.
Edhe nesër (e enjte) do të jemi nën ndikimin e këtyre masave mjaft të ngrohta ajrore, por për dallim nesër priten vranësira të dendura dhe reshje shumë të shpeshta dhe më të përhapura shiu. Këto reshje mund të jenë të përziera me rërën ose pluhurin e Shkretëtirës së Saharasë.
Gjatë së premtes më në fund do të kemi ardhjen e masave të ftohta ajrore nga veriperëndimi dhe reshjet e shiut do të shndërrohen në reshje bore. Temperaturat do të shënojnë ulje dhe kjo do të shënojë fundin e rrymimeve ajrore nga jugu./MeteoBallkan
