Ndërsa ne po e presim arritjen të vërtetë të ajrit të ftohtë nga Siberia, këtë dimër çudirat vazhdojnë të ndodhin lart në Grenlandë dhe Polin e Veriut. Ne kemi folur tashmë për ngrohjen e stratosferës ku temperatura e ajrit u rrit për më shumë se 60C nga mesatarja dhe pasojat e mundshme të kësaj ngrohjeje në vorbullën polare. Ngrohja e stratosferës u reduktua në fund të dhjetorit, dmth ftohja e stratosferës filloi. Megjithatë, ngrohja stratosferike ndodh përsëri, e cila nuk është një dukuri e zakonshme gjatë një dimri në një kohë të shkurtër.
Ajri i ftohtë që do të na përfshijë në ditët në vazhdim nuk është rezultat i ngrohjes së stratosferës. E tërë kjo vjen si pasojë e krijimit të një cikloni mjaft të fuqishëm në kufirin mes Greqisë dhe Turqisë i cili në “bashkëveprim” me anticiklonin jashtëzakonisht të fuqishëm me qendër në Britaninë e Madhe do të shkaktojnë erëra të fuqishme dhe ulje të theksuara të temperaturave.
Sa i përket ngrohjes në stratosferë, kulmi i ngrohjes pritet në ditët e ardhshme, kur vorbulla polare do të ndahet në dy pjesë. Një pjesë do të jetë mbi verilindjen e Amerikës dhe pjesa tjetër mbi veriun eEvropës. Pasojat e kësaj mund të priten në dy javë, ose rreth dekadës së dytë ose të tretë të janarit, dhe ajo që do të na sjellë është ende e panjohur, por sigurisht që një muaj interesant është para nesh sa u përket zhvillimeve meteorologjike.
Sidoqoftë, para nesh është një javë e ftohtë dhedinamike e janarit, dhe ajo që do të na sjellë java e dytë dhe e tretë do të jetë interesante për të gjithë ne, andaj vazhdoni të na ndiqni në faqen tonë për çdo informacion të ri rreth situatës sinoptike në vend dhe rajon.
