Pas një periudhe të thatë dhe relativisht të ngrohtë, pason një periudhë me reshje atmosferike, duke përfshirë edhe reshjet e borës në viset tona kontinentale.
Java ka filluar me rreze diellore, por vranësirat shpejt kanë zëvendësuar kthjellimet. Po ashtu priten edhe riga të izoluara shiu e bore në viset kodinore- malore. Në Shqipëri dhe Maqedoni sot dhe nesër kryesisht pa reshje me disa përjashtime.
Në Kosovë dhe Mal të Zi nesër (e martë) pritet intensifikim i reshjeve të shiut nëpër ultësirat më të ulëta dhe shqote e bore në viset pak më të larta mbidetare. Reshje shiu e bore priten edhe në veri/verlindje të Shqipërisë dhe disa vise në Maqedoninë veriore.
Të mërkurën me uljen e temperaturave në Kosovë priten reshje herë pas here të dendura bore. Vetëm në disa ultësira të Dukagjinit mund të ketë më shumë shi dhe hsumë pak borë. Në disa vise pritet edhe krijimi i shtresave dekorative të borës, sidomos në viset kodrinore-malore priten shtresa solide, por edhe nëpër disa ultësira mund të ketë shtresa dekorative. Reshjet e borës pritet të jenë mjaft estetike për syrin tonë. Të mërkurën vonë ulje e theksuar e temperaturave, por edhe ndërprerje graduale e reshjeve të borës.
Të mërkurën po ashtu reshje shiu priten në shumicën e territorit të Shqipërisë dhe Maqedonisë. Në viset kodrinore-malore reshje bore. Borë mund të ketë edhe në disa ultësira në Maqedoni, por jo në krejt territorin.
Të enjtën në tërë rajonin acar dhe ftohtë sidomos në mëngjes. Gjatë ditës zbutje e acarit dhe rreze diellore.
Nga e premta ngritje e temperaturave, ndërsa për fundjavë na pret mot i ndryshueshëm, me intervale kohore me diell, reshje të herë pas hershme shiu dhe mundësi për ndonjë rrebesh shiu me vetëtima dhe bubullimë. Borë në viset kodrinore-malore./Meteoballkan