Mbi rajonin tonë po dominojnë tërësisht rrymimet ajrore të thata nga perëndimi dhe jugperëndimi dhe kjo gjendje e ngjashme do të vazhdojë edhe disa ditë me radhë për shkak të krijimit të rrymave zonale ajrore të thata të përcjellura nga masat e fuqishme anticiklonike apo bllokades anticiklonike. Gjithashtu në drejtim të rajonit tonë do të vazhdojnë të dominojnë masat e nxehta ajrore me origjinë nga Afrika Veriore.
Për këtë arsye nuk kemi shumë çfarë të themi për motin në javën që po hymë. Pothuajse e tërë java do të jetë e nxehtë gjatë ditëve, por për shkak të netëve të gjata do të jetë mjaft freskët natën dhe mëngjeve. Gjithashtu nëpër lugina mund të ketë mjegull gjatë mëngjeseve.
Temperaturat minimale do të sillen nga 5 në viset më të larta malore dhe deri në 10 në viset tjera, kurse ato maksimale do të sillën nga 24 deri në 28 gradë celsius.
Për momentin nuk shihet se do të ketë ndonjë front i cili eventualisht do të destabilizonte motin gjatë javës që po hymë por nëse ndodh ndonjë e papritur ne do tju njoftojmë në postimet tona të përdishme./Meteoballkan
