Klima mesdhetare është një lloj i klimës së butë (ose « butë nxehtë » ose « subtropikale », e cila karakterizohet me verëra të nxehta të thata dhe dimëra të butë dhe të lagësht.
Termi « mesdhetare » shpjegohet me praninë e saj karakteristike rreth detit Mesdhe, por pjesë të tjera të botës kanë të njëjtat kushte klimatike.
Klima mesdhetare është tipike për viset përreth Detit Mesdhe , por ajo mund të haset edhe në jugun e Afrikës , në pjesën qëndrore të Kilit dhe në Kaliforni.Ky lloj i klimës karakterizohet me atë që shirat më shumë bien në vjeshtë dhe në dimër , ndërsa pranvera dhe vera janë më të thata. Reshjet luhaten midis 400 dhe 700mm në vit.
Dimrat janë të butë , ndërsa verërat janë të nxehta. Bimësinë e zakonshme e përbëjnë shkurret dhe pyjet përherë të gjelbra. Brenda këtij lloji klimatik ekzistojnë ndryshime , të cilat bëjnë që klima në bregun verior të Mesdheut të jetë më e freskët dhe më e lagësht sesa në atë të jugut , i cili është nën ndikimin e drejtpërdrejtë të shkretëtirës së Saharës. Përtej bregut, në brendësi kjo klimë merr vetitë kontinentale dhe bëhet më e ftohtë.
